விண்டேஜ் முதல் சூப்பர்பைக்ஸ் வரை- வரிசைக் கட்டி நிற்கும் தோனியின் பைக் கலெக்‌ஷன்..!

இந்தியாவிலுள்ள வாகன ஆர்வலர்களாலும், கிரிக்கெட் ரசிகர்களாலும் கொண்டாடப்படுபவர் மஹிந்திர சிங் தோனி. இவருடைய பிரத்யேக பைக் கலெக்‌ஷன் குறித்த வீடியோ வெளியாகி வைரலாகியுள்ளது. தோனியின் ஸ்பெஷன் கராஜ் என்ற பெயரில் வெளிவந்துள்ள அந்த வீடியோ இணையதளங்களில் டிரென்டிங்கில் உள்ளது.

கிரிக்கெட் விளையாட்டில் மாபெரும் வெற்றிகளை குவித்த ஜாம்பவான் மஹிந்திர சிங் தோனி. கிரிக்கெட்டை தாண்டி தோனிக்கு வாகனங்கள் மீது மிகுந்த ஆர்வம் உண்டு. அதிலும் ஆற்றல் மிக்க, புதிய ரக பைக்குகள் மீது அவருக்கு இருக்கும் ஆர்வம் அளவிட முடியாதது.

Read More: இந்தியாவுக்கு அவமதிப்பை ஏற்படுத்தும் இந்தியர்களின் டிரைவிங் பழக்க வழக்கங்கள்..!

இந்நிலையில் தோனி, தான் பயன்படுத்தும் வாகனங்களை நிறுத்துவதற்கு என்று பிரத்யேகமான கராஜ் ஒன்றை தனது வீட்டுக்குள் அமைத்துள்ளது. இந்த கட்டமைப்பு தொடர்பான வீடியோ இணையதளத்தில் வெளியாகி பலரையும் ஆச்சரியம் அடையச் செய்துள்ளது.

வீடியோவில் காட்டப்படும் தோனியின் பைக்குகள் அனைத்தும் நவீனமான அருங்காட்சிய அமைப்பில் நிறுத்தப்பட்டிருப்பது போன்ற உணர்வை தருகின்றன. இந்த வீடியோவை பதிவுச் செய்து இணையத்தில் பதிவிட்டுள்ளவர் தோனியின் மனைவி சாக்‌ஷி ஆவார்.

தோனியின் கராஜ் முழுக்க முழுக்க பைக்குகள் நிரம்பியுள்ளன. மேலே மற்றும் கீழே என இரு நிலைகளில் பைக்குகள் மட்டுமே நிறுத்தப்பட்டுள்ளது. தோனியிடம் இவ்வளவு பைக்குகளா என்று கேட்கும் அளவுக்கு பைக்குகள் வரிசையாக நிற்கின்றன.

Read More: போர்ஷே முதல் புல்லட் ப்ரூப் கார்கள் வரை- சமந்தாவின் அசரடிக்கும் கார் கலெக்‌ஷன்..!

இலையில் பரிமாறப்பட்ட உணவுகளை பார்க்கும் போது வயிறு நிரம்பிவிடுவதை போல, தோனியின் பைக் கலெக்‌ஷனை பார்த்தவுடன் கண்கள் நிரம்பி விடுகின்றன. இன்னும் இருக்கும் கலெக்‌ஷனை பார்ப்பதறகு கூடுதலாக கண்கள் வேண்டும் போல.

வீடியோவில் பதிவான காட்சிகளை வைத்து பார்க்கும் போது, தோனியிடம் தோராயமாக 100-க்கும் மேற்பட்ட பைக்குகள் இருக்கும் என்று கணக்கிட முடிகிறது. நாளொன்றுக்கு ஒரு பைக் ஓட்டினாலும், ஆண்டு முழுவதும் ஒரு பைக்கை அதிகப்பட்சமாக நான்கு முறை மட்டுமே பயன்படுத்து முடியும். அந்தளவுக்கு தோனியின் பைக் கலெக்‌ஷன்கள் விரிவடைந்துள்ளன.

கிரிக்கெட் போட்டியில் அறிமுகமான புதிதில் தோனியிடம் 2 ஸ்டோர்க் பைக் இருந்தது. அதனால் தற்போது வரை அவருக்கு 2 ஸ்ட்ரோக் பைக்குகள் மிகவும் பிடிக்கும். அதன்படி யமஹா ஆர்.டி 350, யமஹா ஆர்.எக்ஸ்100 போன்ற 2 ஸ்ட்ரோக் பைக்குகளை தோனி வைத்துள்ளார்.

Read More: விக்ரம் முதல் அல்லு அர்ஜுன் வரை- சூப்பர் ஸ்டார் நடிகர்களின் உல்லாச கேரவன்கள்..!

மேலும், விண்டேஜ் பைக்குகள் மீதும் அவருக்கு ஆர்வம் அதிகம். அதற்கேற்ப பிஎஸ்ஏ, ஹார்லி டேவிட்சன் உள்பட பல்வேறு பைக்குகளையும் தோனி சொந்தமாக வைத்துள்ளார். பெரும்பாலும் விண்டேஜ் பைக்குகளை பயணிப்பதை பாதுகாப்பாக விரும்புவார்.

பழையான மோட்டார் சைக்கிள் மட்டுமில்லாமல், தற்போதைய டிரென்டிங்கிலுள்ள சூப்பர்பைக்குகள் மற்றும் நவீனமான மோட்டார்சைக்கிள்கள் மீதும் தோனிக்கு ஆர்வம் அதிகம். அதற்காக கவாஸாகி நிஞ்சா எச்2 மாடலை தோனி சமீபத்தில் வாங்கி பயன்படுத்தி வருகிறார். தனது வீட்டில் இருந்து நீண்டதூர பயணங்களுக்கு இந்த பைக்கை அவர் பெரும்பாலும் பயன்படுத்துவார்.

ஒருமுறை வீட்டுக்கு அருகிலுள்ள கிரிக்கெட் ஸ்டேடியத்திற்கு நிஞ்சா எச்2 பைக்கில் தோனி சென்று வந்தார். அப்போது வெளியான புகைப்படங்கள் மற்றும் வீடியோக்கள் இணையதளங்களில் மிகப்பெரிய வரவேற்பு பெற்றது. பூத் சர்வதேச சுற்றிற்காக கான்ஃபெடெரேட் எக்ஸ்132 ஹெல்கேட் பைக்கை மஹிந்திர சிங் தோனி சமீபத்தில் வாங்கியது குறிப்பிடத்தக்கது.

சிறிது காலமாக கார்கள் வாங்குவதன் மீதும் தோனிக்கு ஆர்வம் அதிகமாகி வருகிறார். அந்த வகையில் அவரிடம் ரோல்ஸ் ராய்ஸ் சில்வர் ஷேடோ சீரிஸ் ஐ, ஜீப் க்ராண்ட் செரோக்கி ட்ராக்ஹாவ்க் போன்ற கார்களை அவர் சொந்தமாக வைத்துள்ளார். மிகவும் பழமையான வாகனங்கள் வாங்குவதிலும் அவருக்கு ஆர்வம் அதிகம் உள்ளது.

புதிய ரக வாகனங்களை வாங்குவது, ஓட்டுவது மட்டுமில்லாமல், அவற்றை பழுது பார்க்கும் தொழில்நுட்பமும் தோனிக்கு நன்றாக தெரியும். மகள் ஜீவாவுடன் சேர்ந்த கார்கள், பைக்குகளை தோனி கழுவும் வீடியோ மற்றும் புகைப்படங்கள் வெளியாவது அவ்வப்போது டிரென்டிங்காவது நடக்கும்.

வீட்டில் அமைக்கப்பட்டுள்ள இந்த கராஜ் வீடியோவை தோனியின் மனைவி சாக்‌ஷி படம் பிடித்து வெளியிட்டுள்ளார். மேலும், தோனியிடம் உள்ள கார் மற்றும் பைக் கலேக்‌ஷன் குறித்த வீடியோவையும் அவர் வெளியிடுவார் என எதிர்பார்க்கப்படுகிறது.